Защита Архистратига Михаила

Текст (в первоначальной орфографии):

«Господи Боже великий, Царю безначальный, пошли архангела своего Михаила и на мощь рабу своему и грешьному изъяти мя из рук враг моих видимых и невидимых. Господи, Господи, великий Михаиле архангеле, демоном прогонителник, да и моих сокруши супостатов, излей миро на раба Божия своего и запрети всем врагом моим видимым и невидимым, борющихся со мною, и сотвори их, враг моих, яко овча и сокруши их яко прах пред лицем ветру. О великий архистратиг Божий Михаиле, первый князь и воевода небесных сил, шестокрылатных херувим и серафим, Михаиле архангеле, помощник мой буди рабу Божию своему в бедах и скорбех, и в печалех, и в пустынах, и на путех, у царей, и князей, и у велмож, и у всяких властей вочеловечествия твоего. Господи, Господи, великий архистратиг Божий Михаиле, егда услышиши мя, раба Божия своего, призывающаго тя на помощь. Слыши мя, раба своего, ускори, прилети на помощь мне, рабу Божию, победи противящихся мне силою Святаго Духа и святыя живоначалныя Троицы, Отца и Сына и Святаго Духа, молитвами святыя Богородица и Приснодевы Мария, и святых небесных сил, архангел и ангел, пророк и апостол, и мученик, и мучениц, и светителей, и преподобных отцов, и жен, и безмезников великих. Михаиле архангеле, помощник мой буди рабу Божию своему всегда, избави мя от прелести дияволя и лукавых человека. И ныне и присно и во веки веком. Аминь. Якоже великий святый Николае избави три мужи от нага меча и от напрасныя смерти в руце мирстей, тако избави раба Божия своего имрек от всякаго зла, и напасти, и мечтаний дияволских, прииде на нь день и в час лютаго сна от всякия неприязни на пути и в дому, по воде плавающаго, и на пустыни ходящаго, и на всяком месте заступи мя от кровопийца диявола, и от врагов моих видимых и невидимых, отто очия злых человек. Якоже владыко положи крест на главу Адамову, Адам от того часа не поболе никаким недугом, тако сей раб твой имрек да не поболит ни главою, ни очима, ни сердцем, ни трудом, ни огнем, ни чиремицею, ни трясцею, никаким недугом тело его не поболит. Да пребывает в дому его молитва Божия святыя Троицы, Отца и Сына и Святаго Духа. И ныне и присно и во веки веком. Аминь»